- كويتيات ستايل

هلا حبيباتي شفت موضوع بمنتدى وعجبني
انها كل وحدة بحمالها يبين معاها بنت او ولد من شكلها

يعني كل وحده تقول اذا عندها خبره شلون تعرف اذا حامل بنت او ولد بدون لا تسوي سونار




يعني مثال يقولون اذا سمرتي حيل ولد

واذا بضتي وصفت بشرتج بنت

ويقولون اذا بنت الخشم والبراطم تكبر
واذا ولد تصير حلوة

يعني الي عندها خبرة تقول شلون كان حملها بالبنت والولد


يلا خنشوف تجاربكم وطلعت صح او لا




لوووووووووووووووووووووووووول

اختي فيه معلومه وبصراحه انا اعرف منها اذا ولد او بنت حلمت الثدي الايمن اذا كانت غمقه فهوبنت واذا كان الايسر اغمق فهو علامة على الولد

ما ادري انا سويت سونار وقالولي بنت
و كل العوارض الي اجتني عوارض حمل ولد
اي احد يشوفني يقولي معاكي ولد يعني بطني نازلة لتحت وحلويت وخشمي ما كبر ولا براطمي وحركتي خفيفة يعني الحمدالله رحت العمرة وما حسيت بحمالي وللحين دخلت الثامن واحوس مثل النحلة مو حاسة بحمالي والله الحمد ويقولو كل هذيلة العوارض ولد البنت تكون ثقيلة وحملها يجي عرض ما ادري عاد ممكن يكذب السونار ويكون معي ولد بس المشكله الدكتور عطاني اكيد اميه بالمية لان داخلة بالثامن

عموما الي يبعتو الله حيالله الله
بس الصراحة خاطري بولد
وبالنهاية الي يبعتو الله يا محلاااا

انا اششوف اختي بالصبيان تصير جيكره وبالبنت صارت شحلاتها وحتى مابين عليها الحمال ..

الغالية : لولو

لكل قاعدة شواذ ..... انا بحملي الأول صرت وحشة وسمرت حيل وخشمي كبر

و.........و........... وطلعت بنت وكانت بطني بعرض لأن الحوض عندي عريض شوي فالبطن ياخذ

شكل الجسم وماله علاقة بنت أو ولد يعني مانقدر نقيس على هالقاعدة..

وبالنسبة لخالتي كان حملها خفيف وظريف على قولتها لدرجة انها كانت ترقص وتسافر

وماحسينا بحملها غير بالتاسع وطلعت بنت يعني الوحاشة أو الوسامة مالها علاقة أيضا

بنوع الجنين حتى السونار رغم دقته الشديدة الا انه كثير أحيان يخطيء الطبيب ويحدث لبس

بسبب وضعية الجنين واختفاء اعضاؤه ( اخت زوجي مثلا : حللت سونار وطلع بنت وتأكدت بثلاثة

مستوصفات وفرحت فرحة مابعدها لأنها ام لثلاثة اولاد وخاطرها ببنت وراحت شرت الديكورلغرفة الإستقبال بالمستشفى وردي والمهاد والشنط والملابس وزينة الغرفة وكل شيء وردي

وتفاجأت وتفاجأنا بعد خروجها من غرفة الولادة انها جابت ولد !!!!!؟ ) والسبب ان ولدها اثناء التصوير بالسونار مابان عضوه المذكر ..


سامحوني هذرت كثير بس حبيت أبين ان كل شيء بتوفيق الله سهولة الحمل شكل البطن و

كذلك جنس الجنين ............

رزقكِ الله بالذرية الصالحة وحقق مبتغاكِ آمين...



وترى البنات حلوين وحنونين ...........

مشكورين حبايب قلبي وما قصرتو
الله ينول كل وحدة الي في بالها

عسى ربى يرزقج بالولد الصالح

انا اعتمد على احساسي اول حمل لي كنت احس ان توأم ولما حللت هرموني طلع صج توأم بس قدر الله وماشاء فعل اجهضت

وثاني مره كنت احس ان بنيه وصج شريت كله وردي قبل السونار وطلعت بنوته شحلاتها

واللي يقولون ان اللي تحمل بالبنت تحلو

انا صرت جيييييييييييييييييييييكره مو ناقص الا يحطون صورتي بالجنجفه

هههههههههههههههههههههه اي امي تقول والكل يقول الي معاها بنت تصير جيكرة وخشمها وبراطمها تكبر ولي معاها ولد تصير حلوة وحمالها خفيف وانا حاسة معاي ولد

انا لما حملت بولدي كنت خفيفة مرة واحس حركة الجنين باليسار,ويقولون الحامل بولد تتوحم على موالح
وحمضيات مثل برتقال ليمون رمان,اما الحامل ببنت تتوحم على الاشياء الحلوة مثل الحلويات والتفاح والبقل

مرحبا بنات وصبايا انا حملت مرتين الحمال الاول كان بنت وكنت احب كل شي مالح وكانت نساتي بجبن مالح واحب كل شي حامض لدرجةاني كنت اشرب عصير ليمون بدل الماي وقالولي ولد بس طلعت بنت وهذي صورتها واسمها (فدك الزهراء )اما الحمال الثاني نفس الاول بس الفرق اني احس نفسي ثقيله زيادة والله اعلم لاني ماسويت سونار لحد الحين وادعولي يكون ولد لاني مابي احمل بعد

انا صراحة كله صبيان عندي ..بس ماعمري جكرت بواحد فيهم..روح يالثقة واتمنى اني اجكر بالحمل عشان اجيب احلى بنوته

بس اعرف شغلى تبين بالسونار الاول لما تسوينه او ما تحللين,,اذا شكل كيس البيبي بيضاوي معناته ولد..واذا مدور كانه كره يعني بنت وانا عيالي كلهم بيضاوي وحتفزة بسوناراتهم للحين
والله اعلم

سبحان الله انا كل حمالاتي مااختلف فيهم بالنسات اهي اهي بالبنت والولد

دايم اكل حوامض وموالح وهم الثقل نفسه اللي اختلف

شكل بطني

بالبنت كان عريض وصغير وشكله حلو مايبين علي الحمل لي السابع

بالولد طلع بطني من الثالث خخخخخ ويوم كبر بطني صار بالطول ونازل لي تحت يضحك

وكنت كل مااروح مكان يقولولي ابطنج ولد وانا اضحك لان احلامي واحساسي ان بنت

مادري انا احساسي ولد بس جهزت كل شي بنت شسوي العلم عند الله
الله يسهل علينا
مشكورين على الردود

اذا بتعرفين بنت او ولد شوفي نفسج لما تقعدين من النوم وانتي بالسرير اول ماتقومين وين الثقل اذا على الجنب ولد واذا تحت بنت

انا بولدي صرت كاني طقاقه براطم كبار وخشم الله لايورج ماله شبيه وصرت عريضه كبر الباب

وبالسونار يكون شكل الجنين ابيض ولد واذا على سواد بنت

والله اعلم

مادري والله بس يقولون الي تصير حلوة معروفة ولد ولي خشمها وبراطمها تكبر بنت
مادري الله يعلم

العلم عند الله ومهما تقدم العلم والاجهزة مايعلم به الاالي خلقه سبحانه ماأعظم شأنه ولكن حمل الولد ثقيل في كل شي في الوحم والثقل وكره المره لزوجها ونفسيتها
اذاكرهتي ريحته مرة واشتهيتي الحامض والحار هو وولد وان اشتهيتي الحالي والمالح بنت وياحلو البنات ؟؟؟؟

حبيبتي انا سألت دكتورتي و قالتي إذا ولد بتكون هرمونات الذكورية بجسمي أكثر وعشان جذي يظهر الشعر على البطن والوجه اكثر و يكون البطن مدبب و نازل اما البت فالعكس ..وانا لما سويت السونار تقول ولد وميزت هذي الاعراض
و الله اعلم

اي صح كلامك بس اانا شعر ريولي خف وواااااايد وايدي بعد فمادري احساسي يقولي ولد

نفس الاعراض بصراحه ماكو فرق